ಗುಳು ಗುಳು

ನಂದೇ ಮೂಗು ನಂದೇ ಮೀಸೆ
ನನ್ನೇ ಕಾಡುತ್ತೆ
ಸುಮ್ಮ್ ಮಲಗೋ ಮೀಸೆ ಅಂದ್ರೆ
ಮೂಗಲ್  ತೂರತ್ತೆ

ಬೇಡ ಕೆಣಕ್ ಬೇಡ
ಕತ್ತರ್ಸ್ ಬಿಡ್ತೀನಿ
ನಲ್ಲಿ ಕೆಳಗ್ ನೀರಲ್ ಬಿಟ್ಟು
ಮುಳಗಸ್ ಬಿಡ್ತೀನಿ

ಏನು ಏನಂದೇ
ನಾಳೆ ಶುಕ್ರವಾರನ
ಮನೇಗ್ ಲಕ್ಸ್ಮಿ ಬರ್ತಾಳೆ
ಸಲೂನ್ ಬೀಗಾನಾ

ಲಕ್ಷಣ ಅವಲಕ್ಷಣ
ನನಗ್ ಮಾತ್ರಾನಾ
ನೆಟ್ಟಗ್ ಬೆಳಿಯೋದ್ ಬಿಟ್ಟು
ಗುಂಗುರು ಸರೀನಾ

ನೆಪ ಏನೇ ಇರ್ಲಿ
ಬುದ್ದಿ ಕಲಸ್ತೀನಿ
ಕೌಟಿಲ್ಯನ್ ಕೋಪ ನಂದು
ಬುಡ ಕಿತ್ತಾಕ್ತೀನಿ

ಮತ್ತೆ ಹುಟ್ಟ್  ಬಂದ್ರೂ
ನೆನಪ್ ಇರತ್ತೆ
ಸಿಂಹದ್ ಜೊತೆ ಸರಸ
ನನ್ ಮೂಗನ್ ಮುಟ್ಟದ್ರೆ

ನಿನ್ ಅಕ್ಕ್ ಪಕ್ಕದೌರ್ಗೂ ಗೊತ್ತಿರ್ಲಿ
ನನ್ ಕೆಂಡ ತುಂಬಿದ್ ರೋಷ
ಏನ್ ಅಂದ್ಕೊಂಡ್  ಬಿಟ್ಟಿ
ನಂದು ರಾಮಾಚಾರೀ ವಂಶ

ನಿಂತ ನಡು ಬೀದಿಯಲಿ ಹತ್ತಾರು ತಿರುವುಗಳು,
ಯಾವ ಪಥ ಸನ್ಮಾರ್ಗ? ಯಾವ ದುರ್ಮಾರ್ಗ ?
ಯಾವ ಮತಿ ಸನ್ಮತಿಯೊ? ಮತ್ತಾವ ದುರ್ಮತಿಯೋ ?
 ಎಲ್ಲಿ ನಡೆದರೆ ವೊಳಿತೊ? ಎಲ್ಲಿ ಅಳಿವೊ ?

ಹಿಂದೊಂದು ಕಾಲಕ್ಕೆ ಇಂತೆಯೇ ಗೊಂದಲವು,
ಅಂದಿದ್ದ ಚೇತನವು ಇಂದೇಕೆ ಸ್ತಬ್ಧ?
ಆಗಿದ್ದ ವಿಷ್ವಾಸ ಈಗೇಕೆ ಹಿಂಗಿಹುದು ?
ಅತಿಯಾದ ಆ ಧೈರ್ಯ ಈಗೇಕೆ ಸುಪ್ತ ?

ಅರಿವು ತನದಲ್ಲ, ಹಿರಿಮೆ ತನದಲ್ಲ,
ಗರಿಬಿಚ್ಚಿ ಹಾರಿದಾಕಾಶ ತನದಲ್ಲ. 
ಮರುಕ ತನದಲ್ಲ, ಕಿರಿಮೆ ತನದಲ್ಲ,
ಮುಳುಗುತಿಹ ಪಾತಾಳದಾಳ ತನದಲ್ಲ .

ಎಲ್ಲೆಲ್ಲು ವ್ಯಾಪ್ತ ಎಲ್ಲರಿಗೂ ಆಪ್ತ
ಬಲ್ಲವಗೆ ಭಯವಿಲ್ಲ ಪೆದ್ದು ಗುಂಡ .